Həftə sonu Mərakeşdə keçirilən Fələstinə dəstək nümayişinə minlərlə insan qatılıb. Fəallar Mərakeş və İsrail arasında normallaşma prosesinin dayandırılmasını tələb ediblər.

Az.rasthaber.com xəbər verir ki, Mərakeşin paytaxtı Rabatda "Azad Fələstin" qeyri-hökumət təşkilatının çağırışı ilə on minlərlə insan Qəzzaya dəstək olmaq üçün toplaşıb. Fəallar Mərakeş və İsrail arasında normallaşma prosesinin dayandırılmasını tələb ediblər.

Əllərində Mərakeş və Fələstin bayraqları, həmçinin Əl-Əqsa məscidi və İsrailin hücumlarında həyatını itirən qəzzalıların fotoşəkilləri olan nümayişçilər normallaşma əleyhinə şüarlar səsləndiriblər.

Rabat və Təl-Əviv arasında 2020-ci il dekabrın 10-da imzalanan normallaşma sazişi Mərakeşin Qərbi Saharadakı suverenliyinin tanınması müqabilində Mərakeşin İsraillə diplomatik münasibətləri bərpa etməsini nəzərdə tuturdu.

Mərakeşdə normallaşma razılaşmasına qarşı çıxan siyasi partiyalar, qeyri-hökumət təşkilatları və vətəndaşlar tez-tez etiraz aksiyaları təşkil edirlər.