Misirdə polis idarəsinin binasında baş verən yanğın nəticəsində 38 nəfər xəsarət alıb.

Az.rasthaber.com xəbər verir ki, Misirin İsmailiyyə şəhərində Polis Qərargahında baş verən yanğın bir anda böyüyüb.

Binanın alov içində qalan hissəsi dağılıb. Uzun səylərdən sonra yanğın çətinliklə nəzarət altına alınıb.

Yanğın zamanı binanın içərisində polis əməkdaşlarının olduğu bildirilib.

Can itkisi ilə bağlı məlumat verilməsə də, 38 nəfərin yaralandığı qeyd edilib.