İşğalçıların Məscidül-Əqsanı yəhudiləşdirmək planlarından qorumaq üçün başladılan “Böyük sübh” kampaniyası çərçivəsində bu səhər Məscidül-Əqsada qılınan sübh namazına çoxlu sayda insanın qatıldığı bildirilib.

Az.rasthaber.com xəbər verir ki, Əl-Xəlilin Köhnə Şəhər bölgəsi də "Böyük Fəcr" kampaniyası çərçivəsində, bu səhər İbrahim Əl-Xəlil məscidinə səhər namazını qılmağa gələn çoxlu sayda fələstinlini qəbul edib.

Cenində Kabatyalılar Köhnə Məsciddə qıldıqları səhər namazı ilə şəhidlərin yolunu davam etdirəcəklərini vurğulayıblar.

İordan çayının qərb sahilindəki məscidlərə səhər namazını qılmaq üçün gedənlərin təkbir gətirdikləri və müqavimət lehinə şüarlar səsləndirdikləri bildirilib.

Qeyd edək ki, işğalçıların çirkin planlarına qarşı təşkil edilən “Böyük Fəcr” tədbirləri ilk dəfə 2020-ci ilin noyabr ayında Hebron şəhərindəki İbrahim Əl-Xəlil məscidində keçirilib.