Liviyada ötən həftə ərzində 1,088 miqrant xilas edilib.

Az.rasthaber.com SalamNews-a istinadən xəbər verir ki, bu barədə ölkənin Beynəlxalq Miqrasiya Təşkilatı məlumat yayıb.

Məlumatda deyilir: “25-31 dekabr 2022-ci il tarixləri arasında 1,088 miqrant Liviya sahilinə geri qaytarıldı”.

Həmçinin 2022-ci ildə 24,684 miqrantın xilas edilərək Liviyaya qaytarıldığı, 525 miqrantın öldüyü, 848 miqrantın isə hələ də Liviya sahillərində itkin düşdüyü bildirilib.

Qeyd edək ki, 2011-ci ildə Müəmmər Qəddafi rejiminin süqutundan sonra Liviyada yaranan təhlükəsizlik və xaos səbəbindən bir çox miqrantlar Aralıq dənizini keçərək Liviyadan Avropa sahillərinə doğru getməyə üstünlük verirlər.