Livanın "Hizbullah" hərəkatı bu haqda bəyanat verib

Rasthaber Azərbaycan eastnews-a istinadən verdiyi xəbərə görə, Livanın "Hizbullah" hərəkatı Suriya Xarici İşlər naziri Feysəl Miqdadın və İrandakı İmam Rza ziyarətgahı rəhbərlərinin sanksiyalar siyahısına daxil edilməsi ilə bağlı bəyanat yayıb.  

Bəyanatda vurğulanır ki, Avropa İttifaqı Suriyada əlaqələri inkişaf etdirmək əvəzinə bu ölkənin qanuni hökumətinin nazirinə sanksiya tətbiq edərək, terrorçuların yanında olduğunu göstərir.  

ABŞ-ın müqəddəs İmam Rza ziyarətgahı fonduna qarşı atdığı addımı qınayan "Hizbullah" hərəkatı düşmənçiliyin artıq dini zəmində aparılmaq istəndiyini diqqətə çatdırıb.  

Qeyd olunub ki, bu gün beynəlxalq imperializm müqavimət cəbhəsinin yanında olan hər kəsi müxtəlif yollarla çökdürməyə çalışsa da istəklərinə çata bilməyəcək.