Fələstin İslami Müqavimət Hərəkatı Həmas-ın hərbi qanadı olan "İzzəddin Əl-Qəssam" Briqadaları Qəzza zolağında “Qüds Qalxanı” təliminin başladığını bəyan edib.
Az.rasthaber.com İran mediasına istinadən xəbər verir ki, Əl-Qəssam Briqadaları bir bəyanat yayaraq, bildirib:
"Bu təlim hərbi hazırlığı artırmaq və müxtəlif ssenariləri simulyasiya etmək məqsədi ilə çərşənbə günü səhər saatlarından başlayıb və müxtəlif döyüş əməliyyatları ilə qarşılaşmaq üçün hazırlığı artırmaq məqsədilə keçirilən davamlı hərbi təlimlərin bir hissəsidir".
Əl-Qəssam Briqadaları bu bəyanatda vurğulayırlar: "Müqavimət işğalçı qüvvələrin məğlubiyyəti və torpaqların, xalq və müqəddəslərin, Qüdsün qılınc və qalxanının azad edilməsinə qədər davam edəcək".
Məlumata görə, Həmas hərəkatının yaranmasının 34-cü ildönümü ilə əlaqədar Qəzza zolağının şimal və cənubunda bu hərəkatın hərbi təlimləri keçirilir.
