İraq Baş naziri Mustafa əl-Kazımi beynəlxalq koalisiyanın döyüş dəstələrinin ölkəni tərk etməsi prosesinin başa çatdığını elan edib.

"Koalisiyanın döyüş əməliyyatları və onun bütün qoşun və döyüş texnikasının İraq hüdudlarından kənara çıxarılması prosesi başa çatdı", - deyə o qeyd edib.

Az.rasthaber.com RİA-ya istinadən xəbər verir ki, Əl-Kazıminin sözlərinə görə, İraq-ABŞ strateji dialoqunun nəticələrinə əsasən, "onun rolu artıq məsləhətlər və dəstəklə məhdudlaşıb".

İraqlı baş nazir bildirib ki, İraq ordusu əhalini İŞİD terrorçularının təhdid və təhlükələrindən müdafiə etməyə hazırdır.