Livandakı yerli mənbələr cümə günü Livanın cənubunda sionist rejimin pilotsuz təyyarəsinin hücumu nəticəsində iki nəfərin şəhid olması barədə məlumat yayıblar.
Az.rasthaber.com xəbər verir ki, Livanın Səhiyyə Nazirliyi işğalçı İsrail rejiminin Livanın cənubundakı Əl-Nəqoura qəsəbəsinə pilotsuz təyyarənin hücumu nəticəsində 2 nəfərin həyatını itirdiyini açıqlayıb.
Həmçinin sionist rejimin artilleriyası Livanın cənubundakı Deyr Mimas, Kfarkela və Əl-Xiam ətrafını atəşə tutub.
Sionist rejimin 14-cü kanalı işğal altındakı Fələstinin şimalında Əl-Mutla və Kfar Yuvalda siren səslərinin eşidilməsi və bu bölgələrə raket hücumlarının edildiyini bildirib.
Fələstin Müqavimət qruplarının Əl-Əqsa Fırtına Əməliyyatının başlaması ilə Livan Hizbullahı hərəkatı Fələstin torpağı və ərazisi daxilində sionist rejimin mövqelərinə qarşı geniş və gündəlik əməliyyatlar həyata keçirib.
Bu baxımdan, sionist rejimin media qurumları dəfələrlə Hizbullahın işğal olunmuş Fələstin torpaqlarının şimalında üstünlüyünün hələ də olduğunu və sionist ordusunun bu bölgədə tələyə düşdüyünü etiraf ediblər.
