Yəmən silahlı qüvvələrinin sözçüsü Ben Qurion hava limanına son 48 saat ərzində üçüncü raket hücumunu açıqlayıb.
Az.rasthaber.com xəbər verir ki, Briqada generalı Yəhya Səri şənbə günü səhər verdiyi açıqlamada bildirib: Yəmən silahlı qüvvələri məzlum Fələstin xalqına yardım və müqavimətinə dəstək kontekstində işğal altındakı Yaffa (Təl-Əviv) bölgəsindəki Ben Qurion hava limanını "Fələstin 2" ultrasəs raketi ilə hədəfə alıb.
O əlavə edib: Son 48 saatda Ben Qurion hava limanına üçüncü raket hücumu olan bu əməliyyat uğurla həyata keçirilib.
Yəmən Silahlı Qüvvələrinin sözçüsü Ben Qurion hava limanının təhlükəsizliyinin təmin edilməməsi ilə bağlı bütün hava yolları şirkətlərinə xəbərdarlıq edib və vurğulayıb ki, Qəzza zolağına müdaxilə dayandırılana və bu bölgənin mühasirəsinə son qoyulana qədər hava limanı təhlükəli olacaq.
Səri Yəmən silahlı qüvvələrinin USS Harry Truman təyyarədaşıyan gəmisinə yenidən hücum etdiyini də açıqlayıb.
