ABŞ mərkəzli Axios media orqanının müxbiri israilli Barak Ravid xatırladıb ki, Dünya Mərkəzi Mətbəxi (WCK) işçilərinə bənzər 3 israilli girov əllərində ağ bayraq olmasına baxmayaraq öldürülüb. O bildirib ki, İsrailin ehtiyatda olan zabiti ona “silah tuta bilən hər kəsi güllələmək” əmri aldıqlarını deyib.

Az.rasthaber.com xəbər verir ki, Sputnik-də yer alan xəbərə görə, ABŞ-da yerləşən Axios media orqanının müxbiri və CNN-in Siyasət və Xarici Siyasət Analitiki israilli Barak Ravid ABŞ-da yaşayan WCK işçilərinin öldürülməsi ilə bağlı ABŞ-ın CNN telekanalına açıqlama verib. Aparıcı İsrailin baş naziri Benyamin Netanyahunun WCK işçilərini öldürmək niyyətinin olmadığını iddia etdiyini xatırladaraq, “Müharibələr zamanı belə hadisələr olur” deyərkən o bildirib:

"Bu hadisə sürpriz olmamalıdır. Xatırlayırsınız, bir neçə həftə əvvəl qaçıranların əlindən qaçmağı bacaran üç israilli girov əllərində ağ bayraq olmasına baxmayaraq onlara atəş açan İsrail əsgərləri tərəfindən öldürülmüşdü.".

Ravid bildirib ki, o, İsrailli girovları vuran əsgərlərlə eyni bölmədə xidmət edən ehtiyatda olan İsrail zabiti ilə danışıb və deyib:

Yadımdadır, o mənə demişdi ki, “sahədəki komandirlərin əmri döyüş yaşında olanı güllələmək idi”.

Günün sonunda batalyon komandiri və ya briqada komandiri, bilmirəm, bu hücumu kim təsdiqləyib, İsrail ordusundan Təl-Əvivdən gələn əmrləri başqa cür şərh edir.