Sionist İsrail döyüş təyyarələrinin Qəzza zolağının mərkəzi hissəsindəki Əl-Meqazi Qaçqınlar Düşərgəsi və cənubda Rəfah şəhərinin qərbindəki bir evə endirdiyi hava hücumlarında şəhid və yaralıların olduğu bildirilib.
Az.rasthaber.com xəbər verir ki, Fələstinin rəsmi agentliyi WAFA-nın yerli mənbələrə əsaslanaraq verdiyi xəbərdə sionist İsrail döyüş təyyarələrinin gecə saatlarında Əl-Meqazi Qaçqınlar Düşərgəsinə hava hücumu təşkil etdiyi bildirilib.
Hücum nəticəsində azı 2 fələstinlinin şəhid olduğu, 15 nəfərin yaralandığı bildirilib.
WAFA-nın hesabatında qeyd olunub ki, sionist İsrail döyüş təyyarələri Qəzza zolağının cənubundakı Rəfah şəhərinin qərbində yerləşən Sultan mahalında bir evə hava hücumu həyata keçirib.
Hücum zamanı şəhidlərin və yaralananların olduğu bildirilib.
Xəbərdə həmçinin, sionist İsrail döyüş təyyarələrinin Qəzza zolağının ortasındakı Deyr əl-Belaya bir sıra hava zərbələri endirdiyi və Zeytun rayonunun cənubundakı bölgələrin artilleriya bölmələri tərəfindən hədəf alındığı bildirilib.
Yenə Fələstinin rəsmi agentliyi WAFA-nın yerli mənbələrə əsaslanan xəbərinə əsasən, sionist İsrail döyüş təyyarələri Rəfah şəhərində iki evə hava hücumu həyata keçirib.
Hücumda 3-ü uşaq olmaqla 7 nəfər şəhid olub
Sionist İsrailin Rəfah şəhərinin şərqindəki El-Ceyne rayonunda bir evə təşkil etdiyi hava hücumunda bir qadın şəhid olub.
