Fələstinin rəsmi agentliyi WAFA-nın sağlamlıq mənbələrinə əsaslanaraq verdiyi xəbərə görə, qatil İsrail ordusu Deyr əl-Belah, Nusayrat və Zəveydənin müxtəlif yerlərində hücumlar təşkil edərək evləri bombalayıb.

Az.rasthaber.com xəbər verir ki, hücumlardan sonra 47 fələstinlinin cənazəsi Əqsa Şəhidləri Xəstəxanasına çatdırılıb. İsrailin hücumları nəticəsində əksəriyyəti uşaq və qadın olan onlarla insan yaralanıb.

Yerli mənbələrin məlumatına görə, sionist İsrail ordusu Nusayratda müxtəlif bölgələrdən didərgin düşmüş qohumların yaşadığı bir çox evi hədəf alıb. İsrailin evləri bombalamasından sonra bəzi insanlar köməyə gəlib. İsrail qüvvələri daha sonra ikinci dəfə bölgəyə hücum edib. Şəhidlərin əksəriyyətinin bu rayondan olduğu qeyd edilib.