Az.Rasthaber.com-un Türkiyə mətbuatına istinadən verdiyi xəbərə görə, İsrail işğal altındakı İordan çayının qərb sahilində 25 fələstinlini saxlayıb.

Fələstin Əsirlər Dərnəyindən verilən yazılı açıqlamaya əsasən, İsrail əsgərləri səhər saatlarında İordan çayının qərb sahilinin müxtəlif şəhərlərinə basqın edib.

Əsgərlər 14-ü Nablusda olmaqla 25 fələstinlini saxlayıb.

İsrail baş verən hadisə ilə bağlı açıqlama verməyib.

İşğal altındakı İordan çayının qərb sahili və Şərqi Qüdsdəki evlərə vaxtaşırı basqın edən İsrail qüvvələri müxtəlif iddialar irəli sürərək fələstinliləri saxlayır.

Basqınlara reaksiya verən Fələstin sakinləri ilə İsrail əsgərləri arasında vaxtaşırı toqquşmalar yaşanır.