İsrail rejimi qüvvələri İordan çayının Qərb sahilinin müxtəlif rayonlarında 17 fələstinlini həbs edib.

Az.rasthaber.com SANA-ya istinadən xəbər verir ki, İsrail qüvvələri həmçinin Qüds şəhərindəki əl-Əqsa məscidi ərazisinə də soxulub.

Onlar əl-Xəlil və Nablus şəhərlərinin bir neçə kvartalına, Nəalin və Silvan qəsəbələrinə, həmçinin Doha yaşayış məntəqəsinə və Beyt-Ləhemdəki əd-Ceyşə qaçqın düşərgəsinə soxularaq həbslər həyata keçiriblər.

Bununla yanaşı onlarla yəhudi mühacir İsrail qüvvələrinin müşayiəti ilə Bab əl-Məğarib qapılarından əl-Əqsa ərazisinə daxil olublar.

Qeyd edək ki, yəhudi mühacirlər əl-Əqsa ilə bağlı hər gün oxşar təxribatlara əl atırlar.