İşğal altındakı İordan çayının Qərb sahilinin Ramallah şəhərində İsrail rejimi qüvvələri tərəfindən edilən atəş nəticəsində avtomobildə ağır yaralanan bir fələstinli yerləşdirildiyi xəstəxanada həyatını itirib.

Az.rasthaber.com Türkiyə mediasına istinadən xəbər verir ki, Fələstin Səhiyyə Nazirliyinin bu barədə verdiyi açıqlamada, Ramallahın Əl-Bireh bölgəsində İsrail rejimi qüvvələri tərəfindən kürəyindən güllə yarası alan 26 yaşlı fələstinli Məhəmməd İsa Abbasın Fələstin Tibb Mərkəzinə aparıldığı, ancaq edilən müdaxilələrə baxmayaraq yaralının həlak olduğu bildirilib.

Rejim qüvvələri Əl-Bireh bölgəsindəki Əl-Emari qaçqın düşərgəsinə basqın ediblər.

Xəbərdə basqın zamanı əsgərlərin maşına atəş açdığı, ağır yaralanan Abbasın aparıldığı xəstəxanada dünyasını dəyişdiyi qeyd edilib.