Bu barədə Fələstin Səhiyyə Nazirliyi məlumat yayıb.

Rasthaber Azərbaycan xəbər verir ki,  İordan çayının Qərb sahilində İsrail qüvvələri baş verən toqquşmada 5 fələstinli həyatını itirib.

Bu barədə Fələstin Səhiyyə Nazirliyi məlumat yayıb.

Ən son məlumatlara görə, 2 nəfər Cənində, 3 nəfər isə Qüds şəhərinin şimalında dünyasını dəyişib.

Belə ki, İsrail qüvvələri ötən gün səhər saatlarında Qərb sahilinin müxtəlif rayonlarında reydlər keçiriblər. Nəticədə toqquşma baş verib.

Həmçinin 10-ya yaxın fələstinli isə yaralanıb.

Qeyd edilib ki, bəzi fələstinlilərin cəsədləri onların ailələrinə təhvil verilməyib.

Bundan başqa, bir neçə fələstinli də həbs edilib.

Toqquşmalar zamanı İsrailin 2 əsgəri də yaralanıb.