Fələstinlilər İordan çayının Qərb sahilinin yəhudiləşdirilməsi siyasətinə qarşı etiraz aksiyası keçiriblər.

Az.rasthaber.com AA-ya istinadən xəbər verir ki, etirazlar Nablus yaxınlığındakı Kəfar Qəddum, Burka, Beyt Dəcin və Beyt yaşayış məntəqələrində keçirilib.

İsrail rejimi qüvvələri etirazçılara qarşı gözyaşardıcı qazdan və plastik güllələrdən istifadə edib.

Fələstin Qızıl Ayparasından verilən məlumata görə, 22 fələstinli xəstəxanaya çatdırılıb. 16 fələstinli plastik güllə yarası alıb.

Həmçinin daha 132 aksiya iştirakçısı gözyaşardıcı qazın təsirindən xəsarət alıb.

Xatırladaq ki, İordan çayının Qərb sahilinin sakinləri qeyri-qanuni yəhudi yaşayış məntəqələri və ayırıcı sədlərə qarşı hər həftə etiraz aksiyaları keçirirlər.