İsrail rejimi qüvvələri İordan çayının Qərb sahilində 15 fələstinlini yaralayıb.

Az.rasthaber.com AA-ya istinadən xəbər verir ki, bu barədə Fələstin Qızıl Ayparasından məlumat verilib.

Rejim qüvvələri Nablus şəhərindən şimalda yerləşən Burka kəndindəki toqquşma zamanı plastik güllələrdən istifadə ediblər.

Bundan başqa, 52 nəfər də gözyaşardıcı qazın mənfi təsirlərindən xəsarət alıb, onlara yerindəcə yardım göstərilib.

Qeyri-qanuni yəhudi mühacirlər Burka kəndi yaxınlığındakı Humeş qəsəbəsindən öz avtomobilləri ilə keçən fələstinliləri daşlayırlar.

Yəhudi mühacirlər 17-18 dekabrda da Qərb sahilindəki bəzi kəndlərə hücumlar edərək fələstinlilərin evlərini odlu silahdan atəşə tutublar və onların əmlakına zərər vurublar.