İsrail rejimi qüvvələri İordan çayının Qərb sahilindəki müxtəlif ərazilərdə 13 fələstinlini həbs edib.

Az.rasthaber.com WAFA-ya istinadən xəbər verir ki, İsrail qüvvələri Qüdsün yaxınlığındakı əl-İsaviyyə və Silvan qəsəbələrinə, həmçinin əl-Xəlildən cənub-qərbdə yerləşən Səməd yaşayış məntəqəsinə, Zulkərm şəhərinin cənub kvartalına, Cənindən cənubda yerləşən Caba qəsəbəsinə, Kəlkiliyadan cənubda yerləşən Səniriyyə qəsəbəsinə, Ramallahdan cənubda yerləşən Bəlain qəsəbəsinə və Nablus şəhərinə soxulublar.

İşğalçı qüvvələr reydlər keçirərək 13 fələstinlini tutublar.

Qeyd edək ki, İsrail tez-tez bu cür reydlər keçirərək heç bir əsas olmadan və səbəb göstərmədən fələstinliləri həbs edir.