İsrail Ordusunun beş ədəd hərbi təyyarəsi ötən və bu gün ərzində Livanın hava məkanını pozub.
Az.rasthaber.com SalamNews-a istinadən xəbər verir ki, bu barədə Livan Ordusu bəyanat verib.
Bildirilib ki, İsrailə məxsus 4 döyüş təyyarəsi Kafr-Kila qəsəbəsi üzərindən Hamata qədər Livanın hava məkanını pozaraq ölkənin bütün bölgələri üzərində dairəvi uçuşlar həyata keçirib, sonra saat 11.10-da Beyrutun qərbindəki dəniz üzərindən hava məkanını tərk edib.
Həmçinin İsrailin kəşfiyyat təyyarəsi (PUA) dəniz üzərindən, Xəldə qəsəbəsinin qərbindən Beyrut şəhərinə doğru Livanın hava məkanını pozaraq, Beyrut və onun ətrafı, Baabda və Aley əraziləri üzərində dairəvi uçuşlar həyata keçirib və sonra 14:55 dənizin üstündən, hava məkanını tərk edib.
Livan Ordusu bildirib ki, İsrailin bu addımı ilə bağlı məsələ Birləşmiş Millətlər Təşkilatının Livandakı Müvəqqəti Qüvvələri ilə koordinasiyalı şəkildə izlənilir.
