İsrail ordusuna məxsus döyüş təyyarəsinin Qəzza zolağının mərkəzi bölgəsindəki Nusayrat qaçqın düşərgəsindəki bir evə təşkil etdiyi hava hücumu nəticəsində 3 fələstinli ölüb, çox sayda insan yaralanıb.

Az.rasthaber.com xəbər verir ki, Fələstinin rəsmi WAFA xəbər agentliyinin yaydığı məlumata görə, yerli mənbələr İsrail ordusuna məxsus təyyarənin Nusayrat qaçqın düşərgəsinin şimalındakı Ərd əl-Müfti bölgəsindəki bir evi bombaladığını bildirib.
Hücumda biri körpə olmaqla 3 fələstinlinin öldüyü, çox sayda adamın yaralandığı vurğulanıb. Yaralıların düşərgədəki Əl-Avde xəstəxanasına aparıldığı qeyd olunub.
Xəstəxanaya yerləşdirilənlər arasında ağır yaralı körpənin olduğu bildirilib.