Sionist İsrail ordusunun Livanın cənubundakı Sur şəhərinin Ədlun qəsəbəsindəki silah anbarına həyata keçirdiyi hava hücumu nəticəsində bölgədə güclü partlayışlar baş verib və azı 3 nəfər yaralanıb.
Az.rasthaber.com xəbər verir ki, Livanın NNA xəbər agentliyinin məlumatına görə, İsrail ordusu ölkənin cənubundakı Adlun qəsəbəsinə hava hücumu həyata keçirib və bölgədə güclü partlayış səsləri eşidilib. Hücumun silah anbarına edildiyi, buna görə də partlayışların davam etdiyi bildirilib.
Ətrafa səpələnmiş qəlpələrin ətraf kəndlərə çatdığı bildirilib. Qeyd olunub ki, 3 nəfər yaralanıb, Sayda və Sur şəhərləri arasındakı avtomobil yolu ikitərəfli nəqliyyata bağlanıb.
Sionist İsrail mediası hücumun sərhədin təxminən 30 kilometrliyində edildiyini açıqlayıb.
Digər tərəfdən, NNA-nın xəbərinə görə, sionist İsrail döyüş təyyarələri Sur şəhərinin əş-Şəhabiyə və əl-Məcadil qəsəbələrinə də hava hücumu həyata keçirib. Xəbərdə əlavə təfərrüatlara yer verilməyib.
