Atom Enerjisi Təşkilatının sədri deyib: “İranın nüvə yolu və proqramı aydındır və biz bu sahədə aydın şəkildə hərəkət edir, onun faydaları insanlar və onların həyatı üçün istifadə olunur.”
Az.rasthaber.com xəbər verir ki, Məhəmməd İslami bu gün, çərşənbə, noyabrın 27-də hökumətin idarə heyətinin iclası çərçivəsində jurnalistlərə açıqlamasında deyib: “Biz nüvə proqramının inkişafına uyğun olaraq bir neçə min qabaqcıl sentrifuqanın qazlaşdırılmasına başladıq və onları fəaliyyət dairəsinə saldıq. İran İslam Respublikası həmişə interaktiv olduğunu nümayiş etdirib, amma qarşı tərəfin zoru, təzyiqi, qanunsuz və qeyri-hüquqi davranışı qarşısında heç vaxt geri çəkilmir.”
O, əlavə edib: “İranın nüvə proqramının aydın və dinc məqsədləri var. Əgər onlar nüvə sazişi sənədindəki məqsədlərə və məsuliyyət daşıdıqları vəzifələrə məhəl qoymamaq, bəhanələr gətirməklə, ittihamlar yaymaqla ölkəyə birtərəfli təzyiq göstərmək istəsələr, əks cavab alacaqlar.”
İranın nüvə proqramının bütün fəaliyyətlərinin NPT sənədindəki təminat və mülahizələrə uyğun olaraq Beynəlxalq Atom Enerjisi Agentliyinin nəzarəti altında olduğunu bəyan edən Atom Enerjisi Təşkilatının sədri deyib: “İttihamların bəziləri 20 il əvvələ aid olub, əksinqilabçı, münafiqlər və xidmət qurumlarının İrana təzyiq etmək məqsədilə bəhanə tapmaq üçün rolu ilə müşayiət olunub.”
“Amerikanın 16 kəşfiyyat təşkilatı dəfələrlə İranın hərbi proqramı olmadığını bəyan edib. Bunlar tarixin faktlarıdır və bunun üçün sənədlər var. Heç öz imzalarını, vədlərini belə etibarlı bilmirlər və yolları məcburiyyət və təzyiq yoludur. Amma İran və bu ölkənin xalqı heç vaxt məcburiyyət və təzyiq qarşısında geri qalmır”- deyə, İslami vurğulayıb.
