İraqın paytaxtı Bağdadın şimalında İŞİD silahlıları tərəfindən təşkil edilən hücum nəticəsində azı üç polis zabiti öldürülüb.

Rasthaber Azərbaycan "Report"a  istinadən xəbər verir ki, bu barədə yerli hüquq-mühafizə orqanlarındakı mənbədən məlumat verilib.

Hücum Kərkük vilayətinin cənubunda yerləşən Dakuk bölgəsində baş verib. İŞİD silahlıları 5-ci polis briqadasına hücum edərək 3 nəfəri öldürüblər, 1 nəfər isə xəsarət alıb.

Bir həftə əvvəl İŞİD silahlıları Kərkükün Rəşad rayonunda polis məntəqəsinə hücum ediblər. Bir neçə saat davam edən toqquşmalarda biri zabit olmaqla, 13 hüquq-mühafizə orqanı əməkdaşı öldürülüb.