Livanın cənubundan İsrailin nəzarətində olan bölgələrə iki raketin düşməsindən sonra İsrail Ordusu qarşı tərəfin ərazilərini artileriyadan hədəfə alıb.

Az.rasthaber.com SalamNews-a istinadən xəbər verir ki, ötən gecə Livanın cənubundan İsrailin nəzarətində olan bölgələrə iki ədəd qrad raketinin düşməsindən sonra İsrail Ordusu Livanın əl-Hərciyyə bölgəsini toplardan hədəfə alıb.

Livan mətbuatının məlumatına görə, Livanın cənubuna bu gecə azı 45 top mərmisi düşüb.

Qeyd edək ki, sonuncu dəfə ötən ilin avqust ayında İsrail və Hizbullah bir-birini bu şəkildə hədəfə almışdılar.

Heç bir tərəfdə xəsarət alan və canlı itki yoxdur.

BMT-nin bölgədəki sülhməramlı nümayəndəliyi “UNIFIL” tərəfləri atəşkəsi qorumağa çağırıb.