İranın BMT-dəki nümayəndə heyəti Rusiyaya ballistik raketlərin göndərilməsi ilə bağlı iddia edilən xəbərlərə cavab olaraq bildirib ki, Ukrayna münaqişəsi ilə bağlı İran İslam Respublikasının mövqeyi dəyişməyib.

Az.rasthaber.com xəbər verir ki, İran İslam Respublikasının BMT-dəki nümayəndəsi yerli vaxtla cümə günü Rusiyaya ballistik raketlərin göndərilməsi ilə bağlı iddia edilən xəbərlərə dair suallara cavab olaraq deyib: İran İslam Respublikasının Ukraynadakı münaqişə ilə bağlı mövqeyi qətiyyən dəyişməyib. İran münaqişə tərəflərinə insan və infrastruktur itkilərinin yayılmasına, eləcə də atəşkəs danışıqlarından yubanmasına səbəb olan hərbi yardım göndərilməsini qeyri-insani hesab edir. Ona görə də, nəinki bunu etmir, həm də digər ölkələri münaqişədə iştirak edən tərəflərə silah göndərməyi dayandırmağa çağırır.