İran Ədliyyəsinin İnsan Haqları Komitəsinin katibi Kazım Qəribabadi ABŞ ilə məhbus mübadiləsi sazişi ilə bağlı açıqlama verib.

Az.rasthaber.com xəbər verir ki, İran Məhkəmə-İnsan Haqları Komitəsinin katibi Kazım Qəribabadi deyib:

"İran və ABŞ arasında aparılan danışıqlar və razılaşmalara uyğun olaraq, ABŞ-da Amerika sanksiyalarından yayınma kimi haqsız cinayətlərə görə həbs edilən bəzi iranlı məhbusların azadlığa buraxılmasına qərar verilib".

Qəribabadi daha sonra bildirib:

"İran və ABŞ arasında məhbus mübadiləsi ilə bağlı aparılan danışıqlarla yanaşı, İranın Cənubi Koreya tərəfindən bloklanan maliyyə resurslarının sərbəst buraxılması istiqamətində razılaşma əldə olunub. ABŞ-la məhbus mübadiləsi və bloklanan maliyyə resursları ilə bağlı danışıqların bir-biri ilə heç bir əlaqəsi yoxdur.".

İran Ədliyyəsinin İnsan Haqları Komitəsinin katibi Qəribabadi həmçinin belə qeyd edib:

"Sərbəst buraxılacaq məhbusların sayı ilə bağlı tezliklə lazımi açıqlamalar veriləcək".