İranın şimalındakı Gülistan əyalətinin Qorqan şəhərində pilotsuz uçuş aparatının (PUA) yaşayış məntəqəsinə çırpılması nəticəsində 2 nəfər xəsarət alıb.

Az.rasthaber.com xəbər verir ki, bu gün səhər saatlarında Qorqan şəhərində naməlum obyektin yerə düşməsi ilə bağlı yüksək səs eşidilib.

Partlayış nəticəsində hadisə yerində olan evlərin şüşələri, eləcə də bəzi avtomobillərin şüşələri sınıb.

Gülüstan vilayətinin polis rəisi polkovnik Əli Teceri və Gülüstan vilayətinin İnqilab Keşikçiləri Ordusu komandanı general Əli Mələk Şahkuhinin vəziyyəti araşdırmaq üçün hadisə yerinə gəldiyi öyrənilib.