İranda ötən sutka ərzində 117 nəfər koronavirusdan (COVID-19) ölüb.

Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bundan əvvəlki sutka koronavirus nəticəsində 94 nəfər ölmüşdü. Bununla da İranda bu virusdan ölənlərin sayı 62 876 nəfərə yüksəlib.

Nazirlik rəsmisi deyib ki, İranda ötən 24 saat ərzində 11 660 nəfər koronavirisa yoluxub və ölkədə bu virusa yoluxanların sayı 1 908 874 nəfərə çatıb. İnfeksiya daşıyıcılarından 4 005 nəfərin vəziyyəti ağırdır.

S.Sadat Lari qeyd edib ki, İranda indiyədək 1 633 949 nəfər koronavirusdan sağalıb, 12,9 milyondan çox diaqnoz testi həyata keçirilib.

İranda koronavirusa yoluxma üzrə 46 rayon qırmızı və 119 rayon narıncı mavi zona hesab olunur. Qırmızı və narıncı zona hesab olunan rayonlara gediş-gəliş qadağandır. Həmçinin 246 rayon sarı, 37 rayon isə mavi zona hesab olunur.