Az.rasthaber.com "Sputnik"ə istinadən xəbər verir ki, İran mediası İranın Atom Energetikası Təşkilatının rəhbəri Məhəmməd Eslamiyə istinadla məlumat yayıb.

“Biz Qərbi Azərbaycan əyalətində radioaktiv materialların hasilatına azı 5 milyard dollar sərmayə yatırmağı planlaşdırırıq. Eyni zamanda, orada “Harun” adlı yeni atom elektrik stansiyasının inşasına başlamışıq. Onun gücü azı 300 MVt olacaq”, – deyə İranın Atom Energetikası Təşkilatının rəhbəri bildirib.

Qeyd edək ki, Məhəmməd Eslami bir müddət öncə demişdi ki, 2041-ci ilədək İranda beş AES tikiləcək.