ABŞ prezidenti Trampın bombalama təhdidinə İranın cavabı dərhal olub.

Az.rasthaber.com xəbər verir ki, İran Xarici İşlər Nazirliyinin sözçüsü İsmayıl Bəqayi Trampın beynəlxalq sülhü təhqir etdiyini deyib və əlavə edib: “Zorakılıq zorakılığa səbəb olur”.

Bəqayi sosial mediada “Dövlət başçısının İrana qarşı açıq bomba təhdidi beynəlxalq sülh və təhlükəsizliyin mahiyyətinə sarsıdıcı təhqirdir” deyib.

Trampın təhdidinin Birləşmiş Millətlər Təşkilatının (BMT) Nizamnaməsi və Beynəlxalq Atom Enerjisi Agentliyinin (MAQATE) təminatlarına zidd olduğunu ifadə edən Bəqayi deyib: 

 "Şiddət şiddəti, sülh sülhü doğurur. ABŞ nəticələri və təsirləri qəbul edərək öz yolunu seçə bilər".