Bunu İmam Xomeyni(r.ə)-ın fərmanının icra qərargahının peyvənd istehsalı üzrə araşdırma qrupunun rəhbəri bildirib

Rasthaber Azərbaycan İran mediasına istinadən xəbər verir ki, İmam Xomeyni(r.ə)-ın fərmanının icra qərargahının peyvənd istehsalı üzrə araşdırma qrupunun rəhbəri Dr. Həsən Cəlili bu barədə açıqlama verərkən deyib:  "İran vaksinini vuran könüllülərin plazması mutasiyaya uğramış Britaniya ştammı virusunu tam şəkildə zərərsizləşdirə bilib".

"Britaniya virusunun yoluxuculuq qabiliyyəti 70 faizdən çoxdur, lakin onun patogenliyinin nə qədər dəyişdiyi hələ dəqiq bəlli deyil", -deyə o əlavə edib.

İranın koronavirus peyvəndinin klinik sınaqlarına nəzarət edən mütəxəssis Minu Mohrəz də bu vaksinin koronavirusun Britaniya ştammına uğurlu təsirindən danışıb: "Bu sınaq ilk peyvənd olunan üç könüllünün üzərində tamamilə uğurlu olub. İnsan üzərində sınaqların ilk mərhələsində, könüllülərdə indiyədək heç bir yan təsir görünməyib".