İnqilab Keşikçiləri Ordusunun “Nur-3” adlı üçüncü peykinin kosmosa uğurla buraxıldığı açıqlanıb.

Az.rasthaber.com xəbər verir ki, İran Kosmik Agentliyinin sözçüsü Hüseyn Deliriyan Qasid peyk daşıyıcısı ilə kosmosa göndərilən Nur-3 peykinin uğurla yer orbitinə çıxarıldığını açıqlayıb.

Rabitə və İnformasiya Texnologiyaları naziri İsa Zarepur sosial media hesabından verdiyi açıqlamada peykin yerdən 450 kilometr uzaqlıqdakı orbitə yerləşdirilməsinin uğurla başa çatdığını bildirib və iranlı mütəxəssisləri təbrik edib.

Nur-3 peyki yer səthindən aydın görüntülər çəkə bilir.

İlk yerli istehsal peykini 2009-cu ilin fevralında kosmosa göndərən İran 2020-ci ilin aprelində Nur-1 adlı ilk kəşfiyyat peykini kosmosa çıxarıb.