İranın BMT-dəki səfiri və daimi nümayəndəsi Əmir Səid İrəvani cümə günü yerli vaxtla BMT-nin baş katibi, Təhlükəsizlik Şurasının sədri və BMT Baş Assambleyasının sədrinə ünvanladığı məktubda yazıb: İran İslam Respublikası BMT Nizamnaməsinin 51-ci maddəsinə uyğun olaraq, özünümüdafiə etmək hüququnu özündə saxlayaraq, Baş Katibi və Təhlükəsizlik Şurasını İsrail rejimi və Amerika Birləşmiş Ştatlarının rəsmiləri tərəfindən beynəlxalq hüququn və Birləşmiş Millətlər Təşkilatının Nizamnaməsini açıq şəkildə pozan terror təhdidlərini ən kəskin şəkildə pisləməyə və bu cür bəyanatları qanunsuz, məsuliyyətsiz və terrorçu hesab etməyə çağırır.

İranın BMT-dəki səfiri həmçinin BMT-nin Baş katibi və Təhlükəsizlik Şurasını bütün tərəflərə digər dövlətlərin rəsmilərinə qarşı terror aktları və ya hücumları təhrik etməkdən və ya dəstəkləməkdən çəkinmək və bu beynəlxalq haqsız hərəkətləri törədənlərin məsuliyyətə cəlb edilməsi üçün müvafiq tədbirlər görməyə dair qanuni öhdəliklərini xatırlamağa çağırıb.