İran Silahlı Qüvvələrinin (SQ) Baş Qərargah (BQ) rəisi Məhəmməd Baqiri Rusiyaya səfər edəcək.

Az.rasthaber.com IRNA-ya istinadən xəbər verir ki, bu barədə İranın Moskvadakı hərbi attaşesi Rza Xosrəvi Müqəddəm bildirib.

“Baqirinin başçılığı ilə yüksək vəzifəli hərbi nümayəndə heyəti Rusiyaya səfər edəcək”, - deyə o bildirib.

Müqəddəmin sözlərinə görə, səfər Rusiya müdafiə naziri Sergey Şoyqunun dəvəti əsasında həyata keçiriləcək.

O əlavə edib ki, İran BQ rəisi rusiyalı rəsmilərlə hərbi, terrorçuluqla mübarizə sahələrindəki əməkdaşlığı, həmçinin regional və beynəlxalq məsələləri müzakirə edəcək.