İran hakimiyyəti ciddi insan hüquqlarının pozulması vəziyyətlərində iştirak edən ABŞ şirkətləri və vətəndaşlarının sanksiya siyahısı hazırlamaq niyyətindədir.
Az.rasthaber.com Eastnews.org-a verdiyi xəbərə görə, bu təşəbbüsü respublikanın beynəlxalq məsələlər və insan haqları üzrə məhkəmə şöbəsinin müdir müavini Kazim Qərib Abadi açıqlayıb.
Onun sözlərinə görə, “ABŞ-ın İrana qarşı sanksiyaları və İrana maksimum təzyiq siyasəti uğursuzluqdur”.
"ABŞ siyasi məqsədlərinə çatmaq üçün sanksiyalardan istifadə edir. Yaxın gələcəkdə biz ciddi insan haqları pozuntularında iştirak edən ABŞ təşkilatları və şəxslərin siyahısını dərc edəcəyik. İran bu şəxslərə və strukturlara qarşı sanksiyalar tətbiq edəcək", - deyə Qərib Abadi bildirib.
O, “ABŞ-da fərqli dəri rənginə malik insanlara qarşı polis zorakılığı hadisələrinin sistematik irqçilik kimi təsnif edilməli olduğuna” diqqət çəkib. Bundan əlavə, onun sözlərinə görə, "ABŞ həbsxanalarında məhbuslara işgəncə və qeyri-qanuni rəftara dair çoxlu nümunələr var", bütün bu hadisələrə görə "ABŞ cavab verməlidir".
Vaşinqtonun Tehrana qarşı sanksiyalarından danışan Qərib Abadi qeyd edib ki, bu cür təzyiqlər “İran xalqı üçün təhdidlər yaradıb, İran klinikalarında xəstələri dərmansız və tibbi avadanlıqsız qoyub”.
Xatırladaq ki, dekabrın 7-də ABŞ Maliyyə Nazirliyi İrana qarşı yeni sanksiyalar tətbiq edib. Bu dəfə onlar 7 iranlı şəxsə və ölkənin iki hüquq-mühafizə orqanına toxunublar.
