Bunu İran Xarici İşlər Nazirliyinin mətbuat katibi deyib

Rasthaber Azərbaycan İran mediasına istinadən xəbər verir ki, İran XİN sözcüsü  Səid Xətibzadə bu haqda deyib:"Bundan əvvəl aydın bir ittiham olmadan və qanunsuz proseslərlə həbs edilən və hazırda ABŞ həbsxanalarında acınacaqlı vəziyyətdə olan ABŞ-dakı iranlı məhbusların azadlığa buraxılmasının izlənilməsi İran üçün prioritetdir və biz daima bu məsələni izləyirik".

"ABŞ-ın yeni rəhbərliyinin hakimiyyətə gəlməsindən sonra İsveçrə səfirliyi və bəzi ölkələrin Xarici İşlər Nazirliklərindən məsələni izləməyə hazır olduqlarına dair mesajlar aldıq", - Xətibzadə əlavə edib.

İran XİN sözcüsü sonra deyib: "İranın Xarici İşlər Nazirliyi də həmin vasitə ilə bildirdi ki, bizim siyasətimiz iranlı məhbusların azadlığa buraxılmasıdır, lakin hər hansı birbaşa müzakirə olmayıb və bu barədə yayılan xəbərlər kökündən səhvdir".