İran İnqilab Keşikçiləri Hərbi Dəniz Qüvvələri Fars körfəzində 600 kilometr mənzilli raketlərlə təchiz olunmuş yeni gəmilərini təqdim edib.

Az.rasthaber.com xəbər verir ki, İranın nəzarətində olan üç körfəz adasından biri olan Əbu Musa adası yaxınlığında hərbi təlim keçirilib.

Raketlərlə bağlı təfərrüat verilməsə də, İnqilab Keşikçiləri Dəniz Qüvvələrinin komandanı Əlirza Təngsiri deyib:

"Körfəzdəki adalar İranın şərəfinin bir hissəsidir və biz onları müdafiə edəcəyik. Fars körfəzi regionun bütün ölkələrinə aiddir. Bu dövlətlər çox ayıq olmalı, qeyri-regional ölkələrin fitnələrinə, separatçı planlarına düşməkdən qorunmalıdırlar."