İranın Kəşfiyyat Nazirliyi 28 ölkədə Mossadla əlaqəli xeyli sayda casusun aşkarlandığını açıqlayıb.
Az.rasthaber.com xəbər verir ki, İranın Kəşfiyyat Nazirliyi bəyanat yayaraq, işğalçı rejimin casusluq və təhlükəsizlik təşkilatlarına qarşı həyata keçirilən ən böyük əməliyyatda bu xidmətlərdən görünməmiş məlumatların əldə edildiyini açıqlayıb.
Kəşfiyyat və təhlükəsizlik tapıntıları ilə yanaşı, nazirliyin bir sıra iri və çoxmərhələli əməliyyatlarda əldə etdiyi nailiyyətlərə qəsbkar sionist rejimin ən mühüm gizli hərbi obyektləri, silah zavodları və mülki strateji sənayelər haqqında eksklüziv məlumatların əldə edilməsi daxildir.
İran Kəşfiyyat Nazirliyinin yaydığı bəyanat belədir:
- Tehranda və ölkənin müxtəlif əyalətlərində də bir sıra casuslar aşkarlanıb. Bundan əlavə, xaricdə yaşayan bəzi iranlı casusların kimliyi də müəyyən edilib. Hər birinin vəziyyətindən və bu nazirliklə casusların yerləşdiyi ölkələrin kəşfiyyat orqanlarının əlaqələrinin səviyyəsindən asılı olaraq bu şəxslər haqqında qərar veriləcək.
- İran İslam Respublikası ilə effektiv kəşfiyyat əlaqələri olan ölkələrdə fəaliyyət göstərən xarici casusların profilləri bu ölkələrə təqdim edilib. Müvafiq araşdırmalardan sonra müvafiq təhlükəsizlik xidmətləri öz strategiyalarına uyğun olaraq sözügedən casusları saxlayıblar.
- Sözügedən 28 ölkədəki casusların məlumatları araşdırılarkən bu şəxslərin bir hissəsinin könüllü olaraq Mossad ilə əməkdaşlıq etdiyi və ölkələrinə xəyanət etdiyi görünür. Ən pisi isə odur ki, Mossad bu adamları iddialarının doğru olub-olmadığını yoxlamaq üçün öz ölkələrinin maraqlarına və vətəndaşlarının təhlükəsizliyinə qarşı müxtəlif xəyanətkar əməliyyatlar aparmağa məcbur edir.
Sionist rejimin casusluq xidmətləri müxtəlif şeytani üsullar hazırlayır və sosial media, immiqrasiya və iş axtarışı saytları kimi ictimai platformalardan sui-istifadə edərək, xaricə səfərləri zamanı insanları müəyyən edir, zərərçəkənlərlə müxtəlif adlar altında ünsiyyət qurur, onlardan məlumat toplayır və ya sonrakı mərhələlərdə onlara dağıdıcı tapşırıqlar verib.
