İran İnqilab Keşikçiləri Korpusu ballistik raketlərlə İsrailin F-35 döyüş təyyarələrinin olduğu anqarların məhv edilməsini simulyasiya edib.

Az.rasthaber.com xəbər verir ki, təlimdə İnqilab Keşikçiləri İsrailin Palmaçim Hava Bazasının maketi daxilində yerləşən F-35 anqarlarına qarşı “Emad” və “Kadr” ballistik raketlərinin təkmilləşdirilmiş versiyalarını atıblar.

Təlim zamanı istifadə edilən ballistik raketlərin məsafə və həssaslığı artırdığı, həmçinin təkmilləşdirilmiş partlayıcı döyüş başlıqlarına sahib olduğu bildirilib.

Tasnim-in məlumatına görə, maye yanacaqla işləyən Emad raketlərinin təkmilləşdirilmiş versiyası 4 metrdən az xəta payı ilə 1700 kilometr uzaqlıqdakı hədəfləri vurub.

Təl-Əvivdən 12 kilometr cənubda yerləşən Palmachim aviabazası F-35 təyyarələrini qəbul edən əsas obyekt kimi xidmət edir.

Ötən ay eyni hava bazasında çıxış edən İsrailin baş naziri Netanyahu İranı hərbi əməliyyatlarla hədələyib.