Bu gün, bazar, bəhmən ayının 12-si, yanvarın otuz biri, İran İslam İnqilabının mübarək Fəcr ongünlüyünün başlandığı gündür.
Rasthaber Azərbaycan İran mediasına istinadən xəbər verir, 42 il əvvəl yəni günəş təqvimi ilə 1357-ci il bəhmən ayının 12-si, 1979-cu il fevralın birində İran İslam Respublikasının banisi İmam Xomeyni(r.ə.) on beş il vətəndən uzaqda və sürgündə olandan sonra xalqın şövqlü və əzəmətli qarşılama mərasimi ilə İran torpağına qədəm qoyub.
Onun İrana daxil olmasından on gün sonra, günəş təqvimi ilə 1357-ci il bəhmən ayının 22-si, 1979-cu il fevralın on birində İran İslam İnqilabı zəfər çalıb.
Buna görə, bəhmənin 12-dən, yəni İmam Xomeyni(r.ə)-in İrana daxil olduğu gündən İran İslam İnqilabının zəfər çaldığı bəhmən ayının 22-dək olan müddət, "Fəcr ongünlüyü" adlandırılıb. Hər il bu günlərdə İslam İnqilabının qələbəsinin ildönümü ilə bağlı şənliklər və xüsusi mərasimlər keçirilir.
Bu il COVİD 19 məhdudiyyətlərinə görə, kütləvi mərasimlər fərqli formatda keçiriləcək.
