Suriyada Heyət Təhrir əş-Şam (HTŞ) administrasiyasına bağlı Baş Təhlükəsizlik Qüvvələrinin Afrinə daxil olduğu bildirilib.

Az.rasthaber.com xəbər verir ki, Dəməşqdəki yeni administrasiyanın Türkiyənin dəstəklədiyi Suriya Milli Ordusunun (SMO) nəzarətindəki bölgəyə göndərdiyi karvanların görüntüləri sosial mediada paylaşılıb.

Baş Təhlükəsizlik Qüvvələrinin bölgədə genişmiqyaslı patrul əməliyyatı həyata keçirəcəyi bildirilib. Bildirilib ki, 60 maşından ibarət karvan bu gün Afrinə çatıb və Dəməşq administrasiyasının təyin etdiyi məsul şəxslər təhvil-təslim işlərinə SNA-dan nəzarət edəcək. Afrində və ətraflarında SNA-ya aid polis məntəqələrinin bağlanacağı bildirilib.