HƏMAS Qəzza zolağında didərgin düşmüş mülki əhalinin sığındığı iki məktəbə hava hücumu həyata keçirən və 30 mülki vətəndaşı şəhid edən sionist İsrailin "vəhşi qətliamlarını davam etdirdiyini" elan edərək İslam dünyasına müraciət edib.
Az.rasthaber.com xəbər verir ki, HƏMAS, Qəzza zolağında didərgin düşmüş mülki əhalinin sığındığı iki məktəbə hava hücumu həyata keçirən və 30 mülki vətəndaşı şəhid edən sionist İsrailin "vəhşi qətliamlarını davam etdirdiyini" açıqlayıb.
HƏMAS-ın verdiyi yazılı açıqlamada, "Terrorçu işğalçı qüvvələrin Qəzza şəhərinin qərbində yerləşən Nəsr və Həsən Sələmə məktəblərini döyüş təyyarələri ilə hədəfə alaraq Fələstin xalqına qarşı amansız qırğınlarını davam etdirdiyi" bildirilib.
Bəyanatda sionist İsrailin Qəzza xalqını qorxutmaq və onları qətliamlarla köç etməyə məcbur etmək məqsədi daşıdığı, Fələstin xalqının “daş kimi qətiyyət və müqaviməti” ilə İsrailin planlarını alt-üst edəcəyi bildirilib.
Sionist İsrailin dinc əhaliyə qarşı soyuqqanlı qətliam törətdiyini bildirən Həmas beynəlxalq ictimaiyyəti, ərəb və islam ölkələrini fələstinlilərə qarşı törədilən cinayətləri dayandırmağa və “faşist cinayətkarları mühakimə etməyə” çağırıb.
Qəzza Mülki Müdafiə Birliyinin sözçüsü Mahmud Basal sionist İsrailin məcburi köçkün fələstinlilərin sığındığı Həsən Selame və Nəsr məktəblərinə təşkil etdiyi hücumlarda əksəriyyəti uşaq olmaqla 30 fələstinlinin şəhid olduğunu və çoxlu sayda insanın yaralandığını açıqlayıb.
