HƏMAS rəhbərliyi Moskvaka keçiriləcək Fələstin daxili danışıqlara dəvət edilib.

Az.rasthaber.com “Əqsa” telekanalına istinadən xəbər verir ki, bu barədə Fələstin İslami Müqavimət Hərəkatının (HƏMAS) siyasi bürosunun üzvü Musa Əbu Mərzuq bildirib.

Onun sözlərinə görə, “Fələstin xalqının təməl tələblərini yenidən gözdən keçirməkdən” imtina edilsə və “real siyasi iştirak” təmin edilsə, HƏMAS nümayəndə heyəti Rusiyadakı danışıqlarda iştirak edəcək.

Əbu Mərzuq xatırladıb ki, İordan çayının Qərb sahilində fəaliyyət göstərən “Fəth” hərəkatı daha öncə Əlcəzairdə keçirilən danışıqlarda iştirak dəvətini qəbul etməyib. “Fəth” hələ Rusiyanın da dəvətinə cavab verməyib.