İslami Müqavimət Hərəkatının (HƏMAS) Qüds Ofisinin rəhbəri Harun Nəsiruddin bildirib ki, onlar vasitəçilərə işğalçı qüvvələrin və yəhudilərin Məscidül-Əqsadaya basqınlarının bütün bölgəni tamamilə məhv edəcək bir yanğına səbəb ola biləcəyini bildiriblər.

Az.rasthaber.com xəbər verir ki, Nəsiruddin mövzu ilə bağlı verdiyi açıqlamada, Fələstin xalqının işğalçılardan qorxmadığını və işğalçı qüvvələrin Məscidül-Əqsanı müdafiə etmək üçün ölümə tələsən fələstinli gənclərə öyrəşdiyini bildirib.

Fələstində işğal tamamilə bitənə qədər müqavimətin dayanmayacağını ifadə edən Nəsiruddin, yəhudi köçkünlərin sabah minlərlə insanla Məscidül-Əqsaya basqın etməyi planlaşdırdığını bildirib.

İordan çayının qərb sahili, Qüds və 1948-ci ildə işğal olunmuş torpaqların müxtəlif bölgələrində yaşayan fələstinlilərdən Məscid-i Əqsada keşik çəkmələrini istəyən Nasiruddin, ərəb və İslam ölkələrinin xalqlarını da Məscidül-Əqsaya dəstək verməyə və küçələrə çıxaraq nümayişlər təşkil etməyə çağırıb.

Nəsiruddin bildirib ki, Məscidül-Əqsa və Qüds “qırmızı xətt”dir. Fanatik yəhudi icmaları sabahdan başlayacaq və ayın sonuna qədər davam edəcək yəhudi bayramları səbəbilə böyük qruplar halında Məscidül-Əqsaya basqın etməyə hazırlaşır.