Sionist rejim ilə Fələstin müqaviməti arasında əsir mübadiləsinin dördüncü mərhələsi başa çatdıqdan sonra media mənbələri bəzi fələstinli əsirlərin azadlığa buraxılmazdan əvvəl işgəncələrə məruz qalaraq yaralandığını bildiriblər.
Az.rasthaber.com xəbər verir ki, Fələstin mənbələri azadlığa çıxan əsirlərin bəzilərinin bu gün azadlığa çıxmazdan əvvəl həbsxana mühafizəçiləri tərəfindən bir neçə gün işgəncəyə məruz qaldığını açıqlayıb.
Bu məlumatda bildirilir ki, həbsdən buraxılan əsirlərin bəzilərinin həbsxana nəzarətçiləri tərəfindən şiddətli döyülməsi nəticəsində qabırğaları sınıb.
Bununla bağlı Fələstinli Məhbuslar Klubu bildirib: “İşğalçı rejim azad edilmiş əsirlərə qarşı mütəşəkkil terror həyata keçirir və onların ailələrinə onlar üçün hər hansı qəbul təşkil etməyi qadağan edir.”
Ramallah və Əl-Bireh valisi də bununla bağlı deyib: “Azad edilən 10 əsir ağır şəraitə görə xəstəxanalara köçürülüb.”
