Livanın Hizbullahı bir neçə bəyanat yayaraq, işğal olunmuş Fələstinin şimalında sionist rejimin bir neçə komandanlıq qərargahı və bazasına pilotsuz təyyarə və raket hücumları ilə bağlı açıqlama verib.

Az.rasthaber.com xəbər verir ki, Livan Hizbullah Hərəkatı bir bəyanatda bildirib: “Livan islami müqaviməti qüvvələri Qəzzə zolağında mətanətli Fələstin xalqına, onların cəsur və şərəfli müqavimətinə dəstək və düşmən İsrailin Livanın cənubundakı kəndlərə, xüsusilə də Kəfərman qəsəbəsinə hücumlarına cavab olaraq, sionist düşmənin 282-ci artilleriya briqadasının bazası və qərargahını, Tiberiya gölünün şimal-qərbində "Yeftah əl-Filit" bazasındakı nöqtə raketləri və silah anbarlarını onlarla katyuşa raketləri ilə hədəfə alıblar.