15.09.2021 13:00:04
Haşdi Şabi Ərbəin zəvvarlarına terror hücumunun qarşısını alıb
Rasthaber Azərbaycan xəbər verir ki, Haşdi Şabi Ərbəin zəvvarlarına İŞİD tərəfindən hazırlanan terror hücumunun qarşısını alıb.
Haşdi Şabi könüllüləri İŞİD terror qruplaşmasının Ərbəin zəvvarlarına qarşı hazırladığı terrorun uğursuz olması üçün yeni əməliyyat keçirib.
Bu barədə Haşdi Şabi açıqlama yayıb.
Açıqlamada deyilir: "Haşdi Şabi, Ərbəin mərasimləri sırasında Bağdadın cənubunda hücum hazırlayan bir terror qrupunun qarşısını alıb. Haşdi Şabi gücləri, keçirdiyi əməliyyat zamanı İŞİD-in bu hücumunun baş tutmasının qarşısını ala bilib."
Haşdi Şabi Ərbəin mərasimlərinin təhlükəsizliyinin qorunması istiqamətində planlar hazırlayıb, bu istiqamətdə əks-əməliyyatlarla İŞİD terrorçularının gizlənmiş şəbəkələrini deşifrə edərək zərərsizləşdirməkdədir.
