İran PUA-ları düşmənlərə batmış tikandır.
Az.rasthaber.com IRNA-ya istinadən xəbər verir ki, bunu İran İslam İnqilabı Keşikçiləri Ordusunun (Sepah) Hərbi Hava Qüvvələrinin (HHQ) komandanı Əmir-Əli Hacızadə deyib.
“Bir zamanlar bizim problemimiz raketlər idi, indi isə raketlər deyil, bugünkü problemimiz digər sahələrdədir və biz onlarla məşğul olmalıyıq”, - deyə o qeyd edib və əlavə edib ki, gənc qruplar bu istiqamətlə məşğuldur.
“Düşmənlərin bizim raketlərlə bağlı danışıqlar aparmalı olduğumuzu deməsi və ya İslam Respublikasının PUA-larının düşmənə batmış tikana çevrilməsi və onların bunları məhdudlaşdırmağa çalışması bizim gücümüzü göstərir. Çox illər ərzində düşmənlərin (bizə) silah tədarükü ilə bağlı embarqo sahəsindəki cəhdləri uğursuzluğa düçar oldu. (Əvvəl) bizə silah ixracına icazə vermirdilər, indi isə biz ixrac etmədiyimizə görə bizi boykot edirlər”, - deyə Hacızadə bildirib.
