Birləşmiş Ştatlar inkişafda aydın istiqamətini itirib və milli deqradasiya dövrünə qədəm qoyur.

Az.rasthaber.com SalamNews-a istinadən xəbər verir ki, bu fikirlə Çinin “Global Times” qəzetinin müəllifləri çıxış ediblər.

"ABŞ üçün deqradasiya yeni başlayır. ABŞ inkişaf istiqamətini itirmiş bir ölkəyə çevrilir. Vəziyyəti dəyişmək üçün siyasi, mədəni, iqtisadi və sosial sahələrdə sistemli islahatlar tələb olunacaq", deyə məqalədə bildirilir. 

Müəlliflər qeyd edirlər ki, dəyişikliklərə ehtiyac olduğuna baxmayaraq, ABŞ-da “təəssüf ki, hərəkatı düzgün istiqamətə aparmağa qadir siyasi xadim yoxdur”.

"ABŞ Prezidenti Co Bayden administrasiyası Birləşmiş Ştatların tənəzzülünü sürətləndirib", deyə müəlliflər qeyd edir. 

Məqalədə qeyd edilir ki, Vaşinqtonun beynəlxalq siyasəti getdikcə dünya ictimaiyyətinə qarşı ehtiyatlı olmağa başlayır.

"Müəlliflərin fikrincə, Ağ Evin hazırkı rəhbərliyi “Rusiyaya qarşı müttəfiqlərlə birliyi gücləndirmək üçün xüsusi tədbirlərə həddindən artıq diqqət yetirir, bu məqsədlə Rusiya-Ukrayna münaqişəsindən istifadə edir və Çinə qarşı mübarizə aparmaq üçün kiçik qruplar yaratmağa çalışır".